Дюрдьовчанє представели Руснацох на програми у Мадярскей (фото+видео)

автор Л. Вереш
268 Опатрене

БАЯ (МАДЯРСКА) – У рамикох ИПА проєкту „Гранїца хтора нас злучує” (Border that unites us) хтори реализує Завод за културу войводянских Мадярох на заєднїцкей програми у Баї, у Мадярскей, всоботу, 22. юния спред Заводу за културу войводянских Руснацох участвовал ансамбл КУД „Тарас Шевченко” зоз Дюрдьова.

Ансамбл КУД „Тарас Шевченко”

Дюрдьовчанє ше у двацец минутовей програми представели з двома танцами и даскелїма шпиванками. Виводзацка фолклорна ґрупа одтанцовала танци „Пред нашима дзверми” и „Дюрдьовски мотиви”, членїци Дзивоцкей шпивацкей ґрупи одшпивали шпиванку „Нє пий коню воду”, Ксения Вереш одшпивала „Док я була мала”, а Валентина Салаґ одшпивала шпиванку „Шугайова матка”.

Ансамбл КУД „Тарас Шевченко” наступел у Културней палати Бачки (Bácskai Kultúrpalota, Szentháromság tér 3) на програми наволаней Музика, шпиванка и танєц зоз Бачки, а окрем Дюрдьовчанох наступели и „Стеван Сремац” сербски културни центер зоз Сенти и Културно-просвитне дружтво „Єднота” зоз Ґложану.

ПОВЯЗАНИ ТЕКСТИ