ДЮРДЬОВ – Члени Добродзечного огньогасного дружтва Дюрдьов на чолє зоз предсидательом Милошом Малешом, вчера 25. юния орґанизовали сервис и контролу процивогньових апаратох.
За Рутенпрес предсидатель Малеш гварел же акцию найвецей орґанизовали пре польопривреднїкох понеже почала жатва, а у валалє нєт овласцених сервисерох.
Апарати могли принєсц шицки, сервис бул 500 динари, а препатрал их овласцени сервисер Зоран Калудєрович зоз Нового Саду.