НОВИ САД – Схадзка Управного одбору Дружтва за руски язик, литературу и културу отримана 8. новембра у просторийох Завода за културу войводянских Руснацох, (Улїца Матици сербскей 15).
На Дньовим шоре було дзевец точки, а приказани звити о активносцох и финансийох у прешлим року и плани за идуци рок прилапени.
Бешедовало ше и о наиходзацих активносцох Дружтва, дзе ше дознало же Подобова колония Стретнуце у Боднарова у Ґосподїнцох будзе у децембре, а порадзена и програма 34. дньох Миколи М. Кочиша, хтори буду у децембре.
Скупштину дружтва будзе 6. децембра, кед ше отрима и Округли стол – 50 роки Ґраматики руского язика Mиколи M. Кочиша, а планує ше отримац и Литературне стретнуце зоз означованьом рочнїцох зоз Календара у 2024. року.
Представени и змист 30. числа часописа Studia Ruthenicа, у хторим тексти о ювилейох руского образованя и ґраматикох руского язика, тиж и о руским язику, а ту и новши виданя, прикази и рочнїци. Обявена и часц О салашох и салашских школох, вибор текстох зоз кнїжки о салашох Янка Барни Так приповедали нашо дїдове, 2022. А у часци Здогадованя обявени биоґрафиї членох Дружтва хтори ше упокоєли 2024. року. На концу часописа хронїка Дружтва за руски, язик, литературу и културу.
