ДЮРДЬОВ – У просторийох Културно-уметнїцкoго дружтва „Тарас Шевченко”, штварток, 25. децембра отримана традицийна Новорочна роботня на котрей участвовали коло штерацецеро дзеци, а медзи нїма найчисленши були наймладши члени того Дружтва.
Дзеци прикрашели вецей як сто медовнїки, а после прикрашованя оквицели ядловец котри у тим дюрдьовским Дружтве будзе стац през швета и Крачунски концерт.
