СУБОТИЦА – У Дружтве Руснацох у Суботици, пияток 17. януара, отримана преслава Дня Руснацох на хторей присутних привитала предсидателька Дружтва Анамария Лендєр.


Лендєрова визначела же тот дзень и здогадованє на 1751. рок Руснацом барз важни. Визначела и же початки орґанизованого животу на просторох на хторих ми тераз жиєме нє були лєгки и же треба же бизме чували обичаї, язик и виру.
Члени мишаней жридловей ґрупи и члени Дружтва одшпивали даскельо шпиванки, а приємни вечар предлужени зоз друженьом присутних.
