РУСКИ КЕРЕСТУР – У каплїци провинцийного манастира шестрох Служебнїцох їх Провинциї св. Осифа, вчера бул треци дзень Дзевятнїци до св. Осифа, а тиж и перша казань др патра Мия Никича, заґребского священїка, професора и психолоґа.
Дзевятнїцу ше зоз шестрами модля и вирни, котри потим познатого фаховца годни слухац кажди вечар по 17. марец.
У вчерайшей казанї п. Никич здогаднул у чим сила християнох котри спашени, обєдинєни у Церкви котрей глава Исус, и як ше на заєднїцкей драги до вичного живота, по Божим обецаню нє шму бац нї од чого, алє жиц у вири, надїї и любови.
Дзевятнїца до св. Осифа ше модлї по вечаршей Служби Божей на 18:45 годзин, а можу присц шицки заинтересовани.
