РИДЇЦА – Рукометни клуб Русин внєдзелю 16. марца у спортскей гали ОШ „Петар Кочич” у Ридїци одбавел друге першенствене стретнуце другей полусезони Трецей лиґи Войводини процив екипи ОРК „Кляїчево Чонопля” зоз Кляїчева и у напартим стретнуцу су поражени зоз резултатом 29:26 (16:13).
За РК „Русин” наступели – Михайло Мудри, Виктор Микита, Лука Стойков, Матия Чапко, Предраґ Марянац, Филип Ноґо, Неманя Стойков, Марко Слива и Филип Тома.
Ґоли за екипу Русина дали: Филип Ноґо (6), Лука Стойков (5), Михайло Мудри (4), Марко Слива (4), Филип Тома (4) и Виктор Микита (3).
У идуцим 3. першенственим колу другей полусезони Трецей лиґи Войводини, РК „Русин” будзе бавиц рукомет у Руским Керестуре зоз екипу РК „ПИК Приґревица” зоз Приґревици.
