РУСКИ КЕРЕСТУР – Залядзена Данчова долїна после вецей рокох павзи ознова позберала керестурских гокеяшох на ляд.
Нїзки януарски температури, хтори були вецей днї у минусу, допринєсли тому же би грубина ляду була идеална, та ше и по штварти раз бавело гокей на залядзеней долїни.
„Стара” екипа, хтора ту роками бавела гокей, постарала ше же би ше того року на Данчовей долїни чуло шкрипанє корчольох и же би ше одбавело рекреативне змаганє у гокею.
После одбавеного гокею анї того року нє виостало окрипенє, а було вареного вина хторе тримало температуру.
Любительом того прекрасного спорту тото барз значи. Дзечнє приходза на ляд уживац и подружиц ше, а гоч жими уж частейше нє таки моцни, вони ше намагаю максимално вихасновац тоти днї кед мож бавиц гокей.
