РУСКИ КЕРЕСТУР – Вноци медзи стреду и штвартком, вибухнол огень у обисцу фамелиї Планчак у улїци Йовґена Сопку, нєурядово дознаваме же причина огня найвироятнєйше електрични инсталациї.
Добродзечне огньогасне дружтво зоз валалу достало дояву о огню на 00:01, а на терен вишли уж на 00:09, за нїма такой пришла и огньогасна єдинка зоз Кули.
Огень ше им удало загашиц, медзитим материялна чкода барз велька.
