КУЛА – З нагодни Медзинародного швета 8. марца – Дня женох, Руске културно-уметнїцке дружтво „Др Гавриїл Костельник” у Кули, всоботу, 7. марца орґанизовало роботню за своїх наймладших членох.
На роботнї дзеци правeли винчованки, квецики и рижни прикраски зоз пригоднима мотивами за тото швето пошвецене женом, а хтори потим подаровали своїм наймилшим.
Попри подобових схопносцох, дзеци указали и свой музични талант, понеже на роботнї учели и шпиванки зоз музичну руководительку того Дружтва, Еуфемию Планкош.
И з тей нагоди наймладши члени кулского РКУД указали заинтересованоц и свою креативносц, а шлїдуюцу подобну роботню планую отримац пред Вельконоцнима шветами.
