РУСКИ КЕРЕСТУР – У просторийох Месней заєднїци вчера Розвойни фонд Войводини отримал презентацию заинтересованим гражданом Руского Керестура, хторим представени найвигоднєйши кредитни линиї за польопривреду и поднїмательство.
Презентация отримана у сотруднїцтве зоз Канцеларию за локални економски розвой Општини Кула и Локалну акцийну ґрупу „Шерцо Бачки” з цильом информованя польопривреднїкох и поднїмательох о кредитней потримовки за розвой дїлованя.
По словох представнїка РФВ, Деяна Славуєвича, хтори задлужени за кредитни сектор, циль представнїком Фонду же би обишли кажде место у општини, же би гражданом хторим наменєни кредити, представели свойо понукнуца и оможлївели им же би достали шицки нєобходни информациї.