КОЦУР – Християнски камп за дзеци наволани „Путованє по континентох” будзе отримани у Коцуре, у периоду од 26. по 30. юний, у грекокатолїцкей церкви Успения Пресвятей Богородици.
На духовни камп ше можу приявиц дзеци од першей по осму класу, а за кажди дзень тирваня кампу плановани рижни интересантни активносци, котри буду тирвац од 9 годзин рано по 17 годзин пополадню.
Так у програми дня планованe стретнуце и ранша физична активносц, Служба Божа, драмски слички, бависка и штафети, полудзенок и ужина, виронаука, роботнї, патренє филмох. У програми буду участвовац и тройо млади аниматоре зоз України. Активносци ше буду одвивац у церкви, коло церкви, церковней сали и Каритасу.
Дзеци мож приявиц на парохиї лєбо у манастире по 22. юний, а добродзечни прилог за тоту важну духовну подїю родичи и шицки други можу охабиц у ладички котра поставена на стред церкви.