РУСКИ КЕРЕСТУР – На Служби Божей на пол дванастей зоз процесию зоз Святима Тайнами коло церкви, 2. юния на празник Евхаристиї 24. школяре другей класи – 12 хлапци и 11 дзивчата прияли першу причасц.
Службу служели керестурски парох о. Владислав Варґа, о. Владимир Медєши и о. Ярослав Варґа, а сослужели о. Янко Гербут зоз Едмонтону зоз Канади, и диякон Диєґо Мансути зоз Удинох зоз Италиї.
Першопричашнїкох за тоту подїю пририхтали о. Ярослав Варґа зоз панїматку Ану, а парох о. Владислав Варґа тримал виронауку за родичох.
На идуцу нєдзелю, 9. юния после вечаршей служби будзе пияте преподаванє у Року фамелиї за нашу парохию на тему: „Боже Слово у живоце каждого християна“.
На пияток будзе перши пияток, кед споведз по валалє и викладанє св. Тайнох.
Мешац юний пошвецени Пресвятому Шерцу Христовому, прето кажду стреду и пияток после вечарших службох будзе молебен до Шерца Христового.
Соботами вечарши служби у Водици на 19 годзин.
