НОВИ БЕЧЕЙ – У Новим Бечею отримани Куп Войводини за кадетох, юниорох и сениорох у каратеу на хторим участвовали и змагателє Карате клубу Гайдук зоз 23 поєдинєчнима и трома екипнима наступами. Од того, каратисти ше врацели зоз седем златнима, исто тельо стрибернима и осем бронзовима медалями, а медзи наградзенима зоз бронзу и Ґлориян Штранґар.
Зоз златну медалю наградзени – Михайло Крнаяц, Божидар Мрдак, Матеа Калмар, Милица Буквич, Ваня Ярич, Воїн Милетич, а тиж и екипа сениорох у составе – Михайло Крнаяц, Милош Крнаяц, Марко Пуцар и Ґлориян Штранґар.
Стрибло освоєли – Марко Пуцар, Милан Корица, Никола Чордаш, Милян Мрдак, Божидар Мрдак, Милица Буквич як и екипа кадетох у составе – Воїн Милетич, Серґей Баран, Никола Чордаш и Милян Мрдак, док бронзу освоєли – Милош Крнаяц, Растко Милянович, Ґлориян Штранґар, Сара Сабо, Хелена Мирович Джонс, Серґей Баран, Марко Дїласов и екипа кадеткиньох у составе – Сара Сабо, Милица Буквич, Ваня Ярич и Хелена Мирович Джонс.