РУСКИ КЕРЕСТУР – Каритасово друженя штвартками за старших указали и потребу помогнуц старшим присц на стретнуца зайсц до апатики, до предавальнї на драги до Каритасу, обачел керестурски капелан о. Ярослав Варґа.
Як гвари капелан о. Ярослав Варґа, ище у док тирвала корона указало ше же старшим часто нєт хто помогнуц у рижних обовязкох, як цо то одбегнуц до предавальнї, до апатики, виплациц дацо и подобне. Одкеди ше вецей анґажовал на штварткових стретнуцох похопел ище векшу значносц помоци старшим.
Без огляду чи старши ходза на Каритасово стретнуца штвартками, кед им потребна така файта помоци, можу наволац о. Ярослава Варґового на телефон 063 784 60 01 и порадзиц ше зоз нїм.