РУСКИ КЕРЕСТУР – Бал у орґанизациї Дома култури або „Културов бал”, отримани всоботу, 9. новембра у Ресторану „Бостон”, а орґанизаторе и того року пририхтали награди за побиднїкох у рижних танєчних бавискох и змаганьох.
На штвартим Балу були присутни коло 80 нащивителє, преважно терашнї и бувши аматере, заняти у Доме култури, алє и велї други, того року лєм зоз Руского Керестура.
По приходу, спред екипи орґанизаторох Желько Ковач привитал учашнїкох, а потим пари хтора перша затанцовала додзелєна награда. По законченей вечери, бал ше предлужелo у добрей атмосфери з вибором руских шпиванкох, по смаку бенду „Касиус” (Cassious), а по конєц вечара отримани ище два змагательни бависка – такволани рулет-танєц и бависко добрей концентрациї.
Найсхопнєйшим у каждим бависку, орґанизаторе пририхтали одвитуюци награди хтори обезпечели – Дом култури, Национални совит Руснацох, НВУ „Руске слово” и Олена Рацова.
