ЛАҐ „Шерцо Бачки” на Медзинародним фестивалу у Зомборе

автор Д. Барна, фото: ЛАҐ
844 Опатрене

КУЛА – У орґанизациї Туристичней орґанизациї города Зомбора, початком децембра отримани 13. Медзинародни фестивал вина и єдлох ,,Раванґрад вайн фест”.

На фестивалу, викладало коло 100 викладательох зоз Сербиї и зоз жемох окруженя, а медзи нїма були и члени Локалней акцийней ґрупи ,,Шерцо Бачки”, Винария ,,Милисавлєвич” зоз Липару, Польопривредне ґаздовство Делич зоз Кули котре продукує вино зоз купини и Здруженє ,,Бачке пчелице вреднице” зоз Бачкого Доброго Поля зоз домашнїма колачами.

Штанди зоз продуктами зоз Шерца Бачки нащивели державна секретарка у Министерству польопривреди, лєсарства и водопривреди Душанка Ґолубович и городоначaльнїк Зомбора Антонио Раткович.

Под час тирваня фестивалу, нащивителє могли присуствовац на фахових преподаваньох, рижних промоцийох и презентацийох реномованих винских хижох, а могли и коштовац квалитетни вина и смачни єдла и уживац и у музичней програми.

ПОВЯЗАНИ ТЕКСТИ