БАЧ – У Велькей сали Народней библиотеки „Вук Караджич” у Бачу за викенд, 29. марца, отримана 55. Зонска смотра рецитаторох под назву „Поето народу мойого”.
У трох катеґорийох (младши, стреднї и старши возрост) наступели вецей як 100 рецитаторе котри ше змагали за преход на Покраїнску смотру рецитаторох котра будзе отримана концом априла у Сечню.
Медзи рецитаторами були и два школярки зоз Основней школи „Братство єдинство” зоз Коцура – школярка трецей класи Ема Ґубаш и єй менторка Єлена Русковски, и школярка штвартей класи Лара Ґубаш чий менторка Мария Полдруги.
Зоз општини Вербас на Покраїнску смотру рецитаторох пласовали ше седем школярки, а медзи нїма и школярка зоз Коцура Лара Ґубаш.
И за наступни уровень змаганя Лара ше предлужи пририхтовац зоз свою менторку Марию Полдруги.
