ДОРОСЛОВО – У Дорослове при Зомборе, у паломнїцким месце хторе ше вола Водици, вовторок, 20. мая отримане медзирелиґийне стретнуце, хторе догварене на пленарним зашеданю Медзинародней бискупскей конференциї св. Кирила и Мефтода ище початком рока, а теми того стретнуца бул Ювилейни рок и Никейски собор.
На стретнуцу бул владика кир Джура Джуджар, грекокатолїцки владика Епархиї святого о. Миколая зоз Руского Керестура.
Зоз нашей, грекокатолїцкей Епархиї у Дорослове окрем владики кир Дюру Джуджара бул о. Владислав Варґа, о. Дарко Рац, о. Владислав Рац, о. Михайло Режак, о. Дамян Кича, о. Платон Салак, о. Ярослав Варґа.
Учашнїки на тим Медзирелиґийним стретнуцу мали нагоду за споведз и розгварку.