КОЦУР – Други дзень Крачуна Собор Богородици и Обручнїка Осифа, и на шицких Службох Божих у Грекокатолїцкей церкви Успения Пресвятей Богородици у Коцуре того дня було мированє.
На 10 годзин почала Велька служба Божа котру служел декан бачки и парох коцурски о. Владислав Рац, а придружел ше и капелан коцурски о. Иван Дацешен. Богослуженє зоз шпивом прикрашел Церковни хор, под руководством Александра Планкоша.
З тей нагоди о. Рац подзековал Церковному хору же возвелїчал швето зоз своїм шпивом, а присутним вирним винчовал найрадоснєйше Рождество Христове.
