ДЮРДЬОВ – Вноци, з пиятку на соботу, моцна буря и диждж, на щесце без каменцу, залапели и места у општини Жабель, и направели вельки чкоди.
Як и у других местох општини, так и у Дюрдьове, буря вивальовала древа и одчаковала вецей конари з нїх. На велїх хижох витор однєсол черепи зоз закрицох, а на даєдних хижох аж и кибли попадали. Єден з векших проблемох зявел ше кед спаднул далєковод при Дюрдьове, та дзепоєдни часци валала нє мали струї вецей як двацец штири годзини.
Дзекуюци огньогасцом и Електродистрибуциї, чкода санирована за найкратши можлїви час.
