Молитва за старших и хорих

автор Ол. Живкович
1.4k Опатрене

РУСКИ КЕРЕСТУР – З нагоди октобра – мешаца пошвеценого солидарносци зоз старшима особами, у Водици того штвартку, 20. октобра було орґанизоване стретнуце у святилїщу и Служба Божа на котрей ше окреме здогадовали и споминали старши и хори особи.

Службу служел о Владислав Варґа, а помагал му млади диякон Ярослав Варґа, споведали о. Владимир Медєши и о. Михайло Шанта, а потим ше придружели Служби. После Служби вєдно зоз вирнима бул шпивани молебен до Пречистей Дїви Мариї, за их намиреня.

Гоч Служба була орґанизована за старших котри ходза на штвартково стренуца до Каритасу, и котри були иницияторе тей Служби, придружели ше и велї вирни зоз керестурскей парохиї.

Волонтере ше постарали же би шицких заинтересованих привезли на Службу, даєдни аж по три раз одходзели до просторийох Каритасу же би шицки котри жадали пришли на друженє и Службу.

 

ПОВЯЗАНИ ТЕКСТИ