РУСКИ КЕРЕСТУР – Здруженє гражданох „Пакт Рутенорумˮ, поволує заинтересованих же би участвовали на вистави уметнїцких роботох – фотоґрафийох, рисункох и малюнкох, хтору орґанизує тото Здруженє, а хтора будзе отворена у рамикох фестивалу духовней музики „Емаус фестˮ.
Фестивал будзе на соботу, 13. мая, у Марийовим святилїщу „Водицаˮ, а фотоґрафиї на тему „Стретнуцеˮ треба послац по 5. май, на имейл адресу Пакт Рутеноруму pactruthenorum@gmail.com.
Емаус фест орґанизую – Рух Фоколару, Каритас, Пакт Рутенорум и Месна заєднїца Руски Керестур.