НОВИ САД – Сербски народни театер 16. марца штварти раз будзе домашнї численим композитором, текстописательом и виводзачом у рамикох 35. Фестивалу новей рускей шпиванки „Ружова заградка” у орґанизациї Радио телевизиї Войводини.
Уход на фестивал бесплатни и карти мож превжац на билетарници Сербского народного театру.
На фестивалу буду представени 16 нови композициї котри вибрани на конкурсу, а солистох буду провадзиц музичаре Велького народного и Велького тамбурового оркестра Радио телевизиї Войводини.
У ревиялней часци програми наступи Йовґен Надь котри того року означує 50 роки своєй шпивацкей кариєри.
Публика зоз своїма гласами будзе виберац найкрасшу шпиванку, а награду дзеля композитор, текстописатель и интерпретатор. Жири додзелї три награди за композицию, за текст, интерпретацию и аранжман.
