ДЮРДЬОВ – Означованє рочнїци и здогадованє на жертви Рациї мадярского войска котра у Южней Бачки почала 4. януара 1942. року означени и у местох Општини Жабель.
Вчера, пияток 9. януара, опрез спомин плочи на будинку Основней школи „Йован Йованович Змай”, на дзень кед у Другей шветовей войни, пред 84 роки од фашистичного окупатора, страдали велї валачанє отримана панахида и здогадованє на жертви Рациї, а потим коло плочи положени венци.
Панахиду служели священїки сербскей православней церкви о. Александар Симетич и о. Радоє Маркович. На означованю рочнїци окрем валалчаньох присутни були и представнїки локалней и општинскей власци, медзи нїма заменїца предсидателя Општини Жабель, Милана Каназир, член општинскей ради задлужени за културу Зоран Пинїч и поверенїк Месней заєднїци Дюрдьов Душко Михелц.