НОВИ САД – На нєдзелю 16. марца Сербски народни театер будзе домашнї численим композитором, текстописательом и виводзачом у рамикох 35. Фестивалу новей рускей шпиванки Ружова заградка у орґанизациї Радио телевизиї Войводини.
Уход на фестивал бесплатни и уходнїци того року барз швидко роздзелєни на билетарнїци Сербского народного театру.
Орґанизаторе модля тих котри маю уходнїцу, а пре даяку причину знаю же нє годни присц на Фестивал на ю враца понеже єст ище заинтересованих котри би жадали присц на Ружову заградку.
На фестивалу, у змагательней часци буду представени 16 нови композициї, публика зоз своїма гласами будзе виберац найкрасшу шпиванку, а награду дзеля композитор, текстописатель и интерпретатор. Жири додзелї три награди за композицию, за текст, интерпретацию и аранжман.
У ревиялней часци програми наступи Йовґен Надь котри того року означує 50 роки своєй шпивацкей кариєри.
