13. ДЕЦЕМБЕР – На нєшкайши дзень народзена Мелания Маринкович.
1797 – Народзел ше писатель Кристиян Йоган Гайнрих Гайне (Дизелдорф, Нємецка, 13. децембер 1797 – Париз, Французка, 17. фебруар 1856).
1816 – Народзел ше индустриялєц и пренаходзач Ернст Вернер фон Сименс (Ленте, 13. децембер 1816 – Берлин, Нємецка, 6. децембер 1892), хтори з трома братами основал ґиґантску компанию Сименс. Пренашол телеґраф зоз мунтатовом, динамо машину и електрични трамвай.
1926 – Народзела ше писателька Мелания Маринкович (Шид, 13. децембер 1926 – Беоґрад, 24. април 2014). Як школярка ґимназиї у Беоґрадзе, 1938. и 1939. року, посилала и обявйовала стихи у дзецинским часопису Наша заградка у Руским Керестуре. Мелания Маринкович була членїца и єдна зоз сновательох Дружтва за руски язик, литературу и културу 1970. року и анґажовала ше як секретар Комисиї за виробок Сербско-руского словнїка. Авторка є кнїжки Дац квету живот – Шид у моїм паметаню, хтора видата 2003. року у сотруднїцтве Дружтва за руски язик, литературу и културу у Новим Садзе, Културно-образовного центру зоз Шиду и КУД Дюра Киш у Шидзе. Похована є 27. априла 2014. року Арандєловцу.