15. АПРИЛ – На нєшкайши дзень народзени Леонардо да Винчи и означує ше Шветови дзень уметносци.
1452 – Народзел ше Леонардо ди сер Пєро да Винчи (15. април 1452 – Амбоаз, Французка, 2. май 1519), бул италиянски ренесансни архитект, пренаходзач, инжинєр, скулптор и маляр.
1755 – Обявени Словнїк анґлийского язика, перши модерни анґлийски словнїк, а обявел го др Самюел Джонсон, анґлийски поета, новинар и лексикоґраф.
1923 – У лїченю диябетеса почалo ше хасновац инсулин, котри два роки пред тим пренашол канадски науковец, нобеловец Фредерик Бантинґ.
1952 – Френклин национална банка у Нюйорку видала першу кредитну карточку на швеце.
2019 – У катедрали Нотр Дам у Паризу, коло 18:50 годзин вибухнул огень хтори загашени 15 годзини познєйше. На катедрали хтора збудована 1163. року, згорело закрице и турня, а очкодована и нукашньосц катедрали. Дзвони на обновеней катедрали ше ознова оглашели 7. децембра 2024. року на 19:10 годзин, кед отворена обновена катедрала.
Нєшка шветови дзень уметносци, установела го Орґанизация Зєдинєних нацийох за образованє, науку и културу (УНЕСКО) 2012. року.
