15. ЯНУАР – На нєшкайши дзень народзени писатель комедийох Молиєр, а порушана и интернет енциклопедия Википедия.
1622 – Народзел ше французки писатель комедийох, ґлумец и директор театра Жан Батист Поклен – Молиєр (Париз, 15. януар 1622 – Париз, 17. фебруар 1673).
1891 – Народзена гуманитарка Диана Будисавлєвич, дзивоцке презвиско Обексер, (Инцбрук, 15. януар 1891 – Инцбрук, 20. авґуст 1978). У Другей шветовей войни, у октобре 1941. року порушала акцию у хторей ратовала дзеци зоз концентрацийних лаґрох у тедишнєй Нєзависней Держави Горватскей.)
1929 – Народзел ше баптистични священїк африцкого походзеня Мартин Лутер Кинґ (Атланта, 15. януар 1929 – Мемфис, 4. април 1968), вожд руху процив расного гнобеня и борец за граждански права, добитнїк Нобеловей награди 1964. року.
1991 – Европска заєднїца припознала югославянски републики Горватску и Словению як нєзависни держави.
2001 – Порушана анґлийска верзия Википедиї, енциклопедийни проєкт шлєбодного змисту на интернету хтори ше розвива добродзечнє з помоцу софтвера Медиявики. Од 14. октобра 2024. року почала виходзиц и Википедия на язику панонских Руснацох.
Нєшка Дзень вожачох и автомеханїчарох у Сербиї. Означує ше од 1960. року же би ше указало на значносц професиї вожачох, безпечносц у транспорту и злєпшаня їх условийох за роботу.
Дзень вирских шлєбодох ше означує од 1950. року, а є же би ше потримало дух єдинства, толеранциї и почитованя окремносцох медзи людзми рижних вирох.