16. МАЙ – На нєшкайши дзень народзел ше владика Славомир Микловш.
1898 – Народзена сербска поетеса Десанка Максимович (Рабровица при Валєве, 16. май 1898 – Беоґрад, 11. фебруар 1993), була професорка литератури и член Сербскей академиї наукох и уметносцох.
1929 – У Голивуду додзелєни перши награди америцкей филмскей академиї, хтори од 1931. року наволани Оскар. Перши награди додзелєни филму Кридла, ґлумици Дженет Ґейнор и ґлумцови Емилови Дженинґсови.
1938 – Народзел ше владика Славомир Микловш (Дюрдьов, 16. май 1934 – Нови Сад, 21. юлий 2011) бул владика Крижевского владичества. Основну школу закончел у Дюрдьове, класичну ґимназию у Руєки и Пазину, а теолоґию студирал у Заґребе. За священїка є пошвецени 7. юлия 1964. року у Дюрдьове, потим є канцелар Крижевского владичества и духовнїк у Грекокатолїцкей семинариї у Заґребе. Од 21. мая 1983. року Славомир Микловш служел як владика Крижевскей епархиї аж по одход до пензиї 2009. року. Умар 21. юлия 2011. року у Новим Садзе, поховани є 23. юлия у грекокатолїцкей катедрали св. о. Миколая у Руским Керестуре.
1969 – Совєтска вселенска ладя Венера 5 спущела ше на Венеру и почала посилац податки о тей планети.
1972 – После 8 рокох вибудови, до роботи пущена гидроенерґетична система Дєрдап, заєднїцки будовательни проєкт Югославиї и Румуниї.
1974 – Скупштина Социялистичней Федеративней Републики Югославиї преглашела Йосипа Броза Тита за доживотного предсидателя держави.
2025 – У Основней и штреднєй школи з домом школярох Петро Кузмяк у Руским Керестуре представена кнїжка за дзеци Воденїчка на стриберним потоку Мирона Будинския у виданю Новинско-видавательней установи Руске слово. Кнїжка репринт виданя зоз 1980. року, збогацена з новима илустрациями котри нарисовала авторова унука Лара Петкович. Зоз кнїжку обявена и роботна тека у котрей преложени три приповедки на сербски язик, а илустрациї прилагодзени за вифарбйованє. Потим 22. мая отримана промоция школяром ОШ Йован Йованович Змай у Дурдьове и 23. мая у ОШ Братство єдинство у Коцуре.
Нєшка Медзинародни дзень СОС телефонох.
