17. АВҐУСТ – На нєшкайши дзень народзел ше славист Йозеф Добровски.
1552 – У Беоґрадзе друкована перша кнїжка на кирилки, позната як Беоґрадска штироевангелия.
1753 – Народзел ше славист Йозеф Добровски (Балашадярмат, нєшка Мадярска, 17. авґуст 1753 – Брно, Моравска, нєшка Чешка Република, 6. януар 1829), найзначнєйша особа ческого народного препороду, автор ґраматики ческого язика и Учебнїка старославянского язика, першей науковей ґраматики старославянского язика.
1786 – Народзел ше америцки национални юнак и политичар, Дейви Крокет.
1879 – Народзел ше филмски продуцент Шмуел Ґелбфиш, познати як Семюел Ґолдвин (Варшава, Польска, 17. авґуст 1884 – Лос Андєлес, Калифорния, ЗАД, 31. януар 1974), єден з пионирох голивудскей филмскей индустриї и снователь вецей вельких филмских студийох.
1896 – Джордж Кармак нашол злато у притоки рики Клондайк у Канади и виволал єдну з наймасовнєйших златних горучкох.
1923 – Народзела ше ґлумица Мира Ступица (Ґнїлане, 17. авґуст 1923 – Беоґрад, 19. авґуст 2016).
2023 – У Новим Садзе почал XVII Шветови конґрес Русинох/Руснацох/Лемкох (РРЛ).
2023 – Отворена ювилейна 60. самостойна вистава Влади Нярадия у Културним центру Войводини Милош Црнянски у Новим Садзе.