19. ЮЛИЙ – На нєшайши дзень народзени уметнїк Едґар Деґа.
1834 – Народзел ше Илер Жермен Едґар де Ґа, познати як Едґар Деґа (Париз, 19. юлий 1834 – Париз, 27. септембер 1917), бул французки маляр, ґрафичар и скулптор. Окреме ше идентификує зоз тему танца, векша часц його дїлох приказує танцошох.
1893 – Народзел ше писатель и маляр Владимир Владимирович Маяковски (Баґдати, Русия, 19. юлий 1893 – Москва, 14. април 1930), снователь русийского футуризма.
1896 – Народзел ше писатель Арчибалд Джозеф Кронин (Кардрос, Шкотска, 19. юлий 1896 – Монтре, Швайцарска, 6. януар 1981) бул лїкар и писатель. Описовал живот рударох и британскей стреднєй класи.
1900 – Отворена паризка поджемна желєзнїца – Метро.
1950 – Лидере Югославиї, Индиї и Єгипта, Йосип Броз, Джавахарлал Нехру и Ґамал Абдел Насер подписали такволану Брионску декларацию, з хтору осудзели блоковске дзелєнє швета, цо бул перши крочай ґу твореню Руха нєвязаних жемох.