22. ДЕЦЕМБЕР – На нєшкайши дзень народзни композитор Дякомо Пучини.
244 – Народзел ше римски цар Ґай Аурелиє Валериє Диоклециян (Доклея, лєбо Солин, Римске царство, 22. децембер 244 – Аспалато, нєшка Сплит, Римске царство, 3. децембер 311).
1858 – Народзел ше композитор Дякомо Пучини (Лука, Тоскана, 22. децембер 1858 – Брисел, Белґия, 29. новембер 1924), автор оперох Боеми, Тоска, Мадам Батерфлай, Манон Леско…
1960 – Зоз Ришеньом Народно-ошлєбодительного одбору Кула основана Дзецинска заградка як самостойна установа за предшколске воспитанє и образованє дзецох у Кули. Нови будинок збудовани 1969 – и отворени є 31. марца, кед ше и означує Дзень установи. Предшколска установа Бамби Кула (Йосипа Крамера 19) орґанизує роботу на цалей териториї општини Кула у оддзелєньох у: Кули, Червинки, Сивцу, Руским Керестуре, Крущичу и Липару.
2003 – у Беоґрадзе почало судзенє обтуженим за забойство премиєра Сербиї Зорана Дїндїча.
2009 – Сербия поднєсла кандидатуру за членство до Европскей униї.