24. ЮНИЙ – На нєшкайши дзень народзел ше маляр Микола Буша.
1497 – Анґлийски моряк Джон Кебот одкрил Канаду и преглашел Сиверну Америку за маєток Велькей Британиї.
1901 – У Паризу отворена перша вистава теди 19-рочного шпанского маляра Пабла Пикаса, хтора одушевела подобових критичарох.
1911 – Народзел ше арґентински автомобилски ас Хуан Фандьо, хтори пейц раз бул шветови шампион у Формули 1.
1912 – На Олимпийски бависка до Стокголму одпутовала перша сербска олимпийска екипа – атлетичаре Душан Милошевич и Драґутин Томашевич. З тим урядово потвердзене членство Сербиї у Медзинародним олимпийским комитету.
1917 – Народзел ше Микола Буша (Коцур, 24. юний 1917 – Вербас, 1988). По войни, 1946. року, почал робиц у фабрики цукру у Вербаше, на желєзнїци як машинист, а у шлєбодним чаше мальовал. Перши малюнок виложел на вистави з нагоди преслави 200. рочнїци приселєня Руснацох до тих крайох. Бул член Подобового клуба Дюро Салай у Беоґрадзе од 1970. року. У рамикох того клуба викладал малюнки у Беоґрадзе, Заґребе, Вербаше, Кули, Зомборе, Руским Керестуре и велїх местох у Бачки. Клуб за своїх членох орґанизовал курси, дзе и Микола достал подуки о малярстве и технїки мальованя.
2001 – Югославянска ватерполо репрезентация постала шампион Европи.
Нєшка Шветови дзень ґовльох.