1826 – Народзел ше писатель Йован Дьордєвич (Сента, 25. новембер 1826 – Беоґрад, 22. април 1900), снователь Сербского народного театру у Новим Садзе и єден зоз сновательох Народного театру у Беоґрадзе, автор тексту гимни Боже правде.
1835 – Народзел ше индустриялєц Ендрю Карнеґи (Данфермлайн, Шкотска, 25. новембер 1835 – Линокс, ЗАД, 11. авґуст 1919), хтори окремне богатство уложел за добротворни наменки, углавним за снованє явних библиотекох у ЗАД и других жемох, под условийом же би локални власци уступели жем за будинок и обезпечели отримованє. Збудовал концертну салу Карнеґи хол, а з помоцу средствох його фондациї 1926. року збудована Универзитетска библиотека у Беоґрадзе.
1844 – Народзел ше инжинєр Карл Фридрих Михаел Бенц (Милбурґ, Нємецка, 25. новембер 1844 – Ладенбурґ, Нємецка, 4. април 1929), хтори 1885. року конструовал єден з перших автомобилох. Основал компанию Бенц за виробок бензинских моторох и автомобилох, зоз хторей настала компания Даймлер-Бенц.
1918 – Велька народна скупштина у Новим Садзе преглашела присоєдинєнє Баната, Бачки и Баранї Кральовини Сербиї. Вельку народну скупштину отворел новосадски грекокатолїцки парох Йован Хранилович як найстарши посланїк по рокох.
Нєшка Медзинародни дзень борби процив насилства над женами.