26. ЯНУАР – Народзел ше ґлумец и режисер Пол Нюмен.
1921 – Народзел ше Акио Морита (Наґоя, Япон, 26. януар 1921 – Токио, Япон, 3. октобер 1999), єден з сновательох компаниї Сони (Sony).
1925 – Народзел ше филмски ґлумец и режисер Пол Ленард Нюмен (Шейкер Хайдс, Огайо, ЗАД, 26. януар 1925 – Вестпорт, ЗАД, 26. септембер 2008).
2003 – Тенисерка Мартина Навратилова, котрей було 46 роки, освоєла зоз тенисером Леандером Паесом титулу на отвореним першенстве Австралиї у конкуренциї мишаних парох и постала найстарши тенисер котри освоєл єден ґренд слем турнир.
2025 – Спортска секция КПД Дюра Киш у Шидзе орґанизовала перши шаховски турнир з нагоди националного швета Руснацох. На першим турниру ше змагали 28 шахисти зоз Руского Керестура, Петровцох, Бикичу, Бачкей Паланки, Беочину, Вуковару, Нового Саду и Шиду, а бавело ше седем кола по швайцарскей системи.
Нєшка Шветови дзень образованя о защити животного стредку (eco-Schools), запровадзени є же би ше указало на важносц едукациї о еколоґийних проблемох и свидомосци о чуваню природи. Того 2026. року фокус на диґиталней трансформациї у еколоґийним образованю и применьованю иновативних ришеньох процив климатских пременкох.
Означує ше и Медзинародни дзень царини, кед 1953. року отримана перша схадзка Совиту за царинске сотруднїцтво цо нєшка Шветова царинска орґанизация (The World Customs Organization (WCO)).
Нєшка Дзень Австралиї, зоз хторим ше означує дзень кед сцигла перша флота до Сиднею 1788. року, и Дзень Републики Индиї, зоз хторим ше означує ступанє на моц першого Уставу Индиї 1950. року.