27. ДЕЦЕМБЕР – На нєшкайши дзень народзени хемичар и микробиолоґ Луй Пастер.
1571 – Народзел ше астроном, математичар и физичар, Йохан Кеплер (Байл дер Штат, 27. децембер 1571 – Реґензбурґ, 15. новембер 1630), хтори зоз трома законами о рушаню планетох конєчно утвердзел точносц гелиоцентричней системи и поставел фундаменти новей астрономиї. Вираховал и поверхносц и волумен ґеометрийних целох хтори по теди нє преучовани.
1822 – Народзел ше хемичар и микробиолоґ Луй Пастер (Дол, Французка, 27. децембер 1822 – Марн ла Кокет, Французка, 28. септембер 1895), пренаходзач вакцини процив збешнєтосци, антраксу и червеного витру. Доказал же бактериї виволую гнїце и доказал же поживу мож конзервовац зоз зогриваньом, цо зопера розмножованє бактерийох. Основал микробиолоґию и стереохемию.
1831 – Природняк Чарлс Дарвин на ладї Биґл започал пейцрочну експедицию нa хторей назберал огромни материял на основи хторого написал епохалне дїло Наставанє файтох. Засновал першу наукову теорию о еволуциї живих єствох, хтора по нїм наволана дарвинизем.
1901 – Народзела ше филмска ґлумица Мария Маґдалена фон Лош, позната як Марлен Дитрих (Берлин, 27. децембер 1901 – Париз, 6. май 1992).
1945 – У Вашинґтону основани ММФ, Медзинародни монетарни фонд, пре злєпшанє монетарного сотруднїцтва и ришованє монетарних проблемох у швеце.
1945 – Основана Шветова банка.