28. ЯНУАР – Нєшка Дзень защити особних податкох.
1807 – У Лондону перша улїца на швеце ошвицена зоз лампами на ґаз.
1841 – Народзел ше новинар и виглєдовач Джон Роулендс, познати як Генри Мортон Стенли (Денбиґ, Зєдинєнє Кральовство, 28. януар 1841 – Лондон, 10. май 1904), путовал по Африки и одкрил Албертово, Едвардово и Леополдово озеро, горски масив Рувензори и випитал вельку часц рики Конґо.
1878 – У Ню Гевну у ЗАД почала робиц перша телефонска централа, два роки после того як Александер Ґреєм Бел патентовал телефон.
1887 – Народзени пиянист Артур Рубинштайн (Лодь, Польска, 28. януар 1887 – Женева, 20. децембер 1982).
1958 – Данска компания патентовала нєшкайши пластични Леґо коцки.
Нєшка Дзень защити особних податкох (Data Protection Day, Data Privacy Day). Дзень защити податкох о особи запровадзени 2006. року зоз одлуку Комитета Министрох Совиту Европи и того дня почало подписованє Конвенциї Совиту Европи о защити особох у одношеню на автоматске обрабянє податкох о особох (Конвенция 108).