28. ЮНИЙ – На нєшкайши дзень основани Универзитет у Новим Садзе.
1389 – На Косовим полю збула ше пресудна битка сербского и турского войска, хтора означела початок конца нєзависней сербскей держави и отворела дзвери Турком за дальше предзеранє до Европи.
1577 – Народзени фламански маляр Петер Паул Рубенс (Зиґен, Нємецка, 28. юний 1577 – Антверпен, Белґия, 30. май 1640) єден з майстрох барока, хтори зєдинєл найлєпши традициї сиверняцкого и италиянского малярства.
1914 – У Сараєве Ґаврило Принцип забил австроугорского пристолонашлїднїка Франца Фердинанда, цо Австро-Угорска вихасновала за напад на Сербию, зоз чим почала Перша шветова война.
1919 – У Версаю на Мировней конференциї подписани мировни контракт з поражену Нємецку, зоз чим и урядово закончена Перша шветова война.
1921 – Уставотворна скупштина Кральовини Сербох, Горватох и Словенцох вигласала Видовдански устав, хтори важел до 1929. року.
1950 – Пущена до транспорту драга Беоґрад – Заґреб, наволана Авто-драга Братство-єдинство, у чиєй вибудови участвовали добродзечни младежски роботни бриґади зоз цалей тедишнєй Югославиї.
1960 – Основани Универзитет у Новим Садзе, хтори почал робиц вєшенї истого року.
2001 – Гаґскому трибуналу виручени бувши югославянски предсидатель Слободан Милошевич.