30. ДЕЦЕМБЕР – На нєшкайши дзень народзени монсиньор Михайло Мудри.
1864 – Народзел ше маляр Марко Мурат (Шипанска Лука при Дубровнику, 30. децембер 1864 – Дубровник 14. октобер 1944) бул академски маляр и професор у стреднїх школох.
1874 – Народзел ше о. Михайло Мудри (Руски Керестур, 30. децембер 1874 – Руски Керестур, 13. октобер 1936), бул длугорочни парох у Керестуре, редактор, публициста и перши предсидатель Руского народного просвитного дружтва (РНПД). Основну школу закончел у Керестуре при учительови Петрови Кузмякови. Ґимназию закончел у Винковцох и у Заґребе, а Богословию на Римокатолїцкей теолоґийней семинариї у Заґребе. За священїка го пошвецел крижевски владика Юлий Дрогобецки у Дюрдьове 21. октобра 1900. року. З декретом, о. Михайло Мудри 1924. року постал тайни коморник Його святосци папи Пия ХІ цо му дало право на титулу монсиньора. Умар у Руским Керестуре 13. октобра, а поховани є на керестурским теметове 15. октобра 1936. року.
1922 – Урядово основани Союз Совєтских Социялистичних Републикох.
1953 – Першираз предати телевизор у фарби.