30. ЮЛИЙ – Нєшка Шветови дзень борби процив тарґовини з людзми и Медзинародни дзень приятельства.
1511 – Народзел ше италиянски маляр и архитекта Дьордьо Вазари (Арецо, 30. юлий 1511 – Фиренца, Италия, 27. юний 1574).
1818 – Народзела ше писателька Емили Бронте (Торнтон, Зєдинєне Кральовство, 30. юлий 1818 – Гаворт, ЗК, 19. децембер 1848).
1863 – Народзел ше Генри Форд (Спринґвелс Тауншип, ЗАД, 30. юлий 1863 – Дирборн, ЗАД, 7. април 1947), бул америцки поднїматель и снователь Форд Мотор Компаниї.
1930 – Уруґвай на Шветовим першенстве у Монтевидеу постал перши шветови шампион у фодбалу. У финалу бавели Уруґвай и Арґентина, а резултат бул 4:2.
1935 – У Велькей Британиї обявена перша кишенкова кнїжка по идеї Алена Лейна – направиц кнїжку хтора будзе мац цену як 10 циґаретли. Перша кнїжка була „Ариєл”, биоґрафски роман Андреа Мороа.
1938 – Народзел ше композитор сучасней музики Зоран Христич (Беоґрад, 30. юлий 1938 – Беоґрад, 12. новембер 2019). Бул уметнїцки директор и селектор фестивалох БЕМУС и Мокраньцово днї. Робел у обласци сценскей, филмскей и театралней музики.
Медзинародни дзень приятельства (Friendship Day), установела Ґенерална скупштина Зєдинєних нацийох 2011. року.
Шветови дзень борби процив тарґовини з людзми (World Day Against Human Trafficking). Дзень устанoвени зоз резолуцию Ґенералней скупштини Зєдинєних нацийох у новембре 2013. року.
