5. ЯНУАР – На нєшкайши дзень физичар Рентґен сообщел же пренашол икс зарї.
1834 – У Краґуєвцу вишли Новини сербски, перши сербски информативни новини друковани у жеми, урядови гласнїк князовини Сербиї.
1855 – Народзел ше америцки пренаходзач Кинґ Кемп Джилет (Фон ди Лак, Висконсин, ЗАД, 5. януар 1855 – Лос Андєлес, Калифорния, ЗАД, 9. юлий 1932), котри видумал ножик за бритвенє, у нас познати як жилет, по французкей верзиї його презвиска.
1895 – Физичар Вилхелм Конрад Рентґен сообщел же пренашол икс зарї, котри познєйше по нїм наволани Рентґеново зарї.
1932 – Народзел ше писатель, филозоф, естетичар, теоретичар, есеїста Умберто Еко (Александрия, Италия, 5. януар 1932 – Милано, Италия, 19. фебруар 2016)
2020 – Китайски власци сообщели же 59 особи охорели од запалєня плюцох нєпознатого походзеня, цо ше трима як початок пандемиї корона вирусу, хтори ше преширел ширцом швета. Преношенє вируса зоз чловека на чловека потвердзела Шветова здравствена орґанизация (ШЗО) 23. януара 2020. року, а пандемию преглашела 11. марца 2020. року. Пандемия залапела 185 од 193 держави членїци Зединєних нацийох (ЗН). Концом марца 2020. року блїзко штварцина шветовей популациї була у карантину.