7. АПРИЛ – Нєшка ше означує Шветови дзень здравя.
1348 – У Ческей у Праги основани Карлов универзитет (Universitas Carolina), єден є з найстарших европских универзитетох, найстарши у централней европи и перши у славянских жемох, основал го Карло IV, цар Святого римского царства лєбо Карло IV Луксембурґски. Нєшка у його составе 17 факултети у Праги, Градец Кралове и Плзену.
1915 – Народзела ше Ирина Копчански Кнежевич (Вербас, 7. април 1915 – Вербас, 10. октобер 1983). Основну школи и ґимназию закончела у Вербаше, и 1934. року пошла на студиї математики до Беоґраду, пошвидко ше уключела до Союзу комунистичней младежи Югославиї (СКОЙ). Участвовала у Другей шветовей войни и здобула чин капитана. Ирина Копчански Кнежевич кратки час робела у политичним оддзелєню Югославянскей войновей флоти у Сплиту, заш лєм закончела студиї и врацела ше до Вербасу, дзе робела як професорка математики, була и директор ОШ Светозар Милетич. Потим ше зоз фамелию преселєла до Сплиту и робела як просвитни роботнїк по одход до пензиї 1965. року, кед ше преселєли до Беоґраду, же би пребувала и у Вербаше, дзе ше и упокоєла 10. октобра 1983. року. Ирина Копчански Кнежевич похована зоз шицкима воєнима почесцами у Беоґрадзе на Новим теметове.
1948 – Основана Шветова здравствена орґанизация (World Health Organization), чий статут подписали 26 жеми.
1963 – Прилапени нови югославянски Устав, з хторим назва держави Федеративна Народна Република Югославия пременєна на Социялистична Федеративна Република Югославия.
Нєшка ше означує Медзинародни дзень здравя (World Health Day), преглашела го Шветова здравствена орґанизация (ШЗО) на Першей скупштини хтора отримана од 24. юния по 24. юлий 1948. року у Женеви. ШЗО тот дзень означує и як дзень снованя, и указує на найвекши проблеми у вязи зоз здравйом людзох на швеце.
Нєшка Медзинародни дзень спорту за розвой и мир. Означованє того дня порушала Ґенерална скупштина Зєдинєний нацийох 23. авґуста 2013. року зоз потримовку Медзинародного олимпийского комитету (International Olympic Committee).