7. АПРИЛ – Нєшка ше означує Шветови дзень здравя.
1348 – У Ческей у Праги основани Карлов универзитет (Universitas Carolina), єден є з найстарших европских универзитетох, найстарши у централней европи и перши у славянских жемох, основал го Карло IV, цар Святого римского царства лєбо Карло IV Луксембурґски. Нєшка у його составе 17 факултети у Праги, Градец Кралове и Плзену.
1915 – Народзена америцка шпивачка Елеонора Фейґен, позната як Били Голидей (Филаделфия, ЗАД, 7. април 1915 – Нюйорк, 17. юлий 1959), хтору волали кралїца джеза.
1948 – Основана Шветова здравствена орґанизация, чий статут подписали 26 жеми.
1963 – Прилапени нови югославянски Устав, з хторим назва держави Федеративна Народна Република Югославия пременєна на Социялистична Федеративна Република Югославия.
Нєшка ше означує Медзинародни дзень здравя (World Health Day), преглашела го Шветова здравствена орґанизация (ШЗО) на Першей скупштини хтора отримана од 24. юния по 24. юлий 1948. року у Женеви. ШЗО тот дзень означує и як дзень снованя, и указує на найвекши проблеми у вязи зоз здравйом людзох на швеце.
Нєшка Медзинародни дзень спорту за розвой и мир. Означованє того дня порушала Ґенерална скупштина Зєдинєний нацийох 23. авґуста 2013. року зоз потримовку Медзинародного олимпийского комитету.
