26. МАРЕЦ – Нєшка ше означує Лилови дзень.
1892 – Народзел ше биолоґ, универзитетски професор и академик Синиша Станкович (Заєчар, 26. марец 1892 – Беоґрад, 24. фебруар 1974). Станкович бул снователь Института за еколоґию и биоґеоґрафию САНУ и директор Биолоґийного института Сербиї.
1911 – Народзел ше америцки писатель Томас Лениєр Вилиямс, познати як Тенеси Вилиямс (Коламбус, ЗАД, 26. марец 1911 – Нюйорк, ЗАД, 25. фебруар 1983), бул єден з найзначнєйших драмских писательох 20. вику.
1953 – Америцки микробиолоґ Джонас Едвард Салк обявел же пренашол вакцину процив дзецинскей парализи.
2008 – Нєшка Медзинародни дзень звекшаня свидомосци о епилепсиї, лєбо Лилови дзень. Идею порушала дзевецрочна Канадянка Касиди Меґан (Cassidy Megan) мотивована зоз власним зочованьом зоз епилепсию. Жадала порушац людзох же би бешедовали о епилепсиї, алє и же би тоти цо жию зоз епилепсию достали порученє же су нє сами.