БЕОҐРАД – Школярка IV року напряму туристично-готелиєрски технїчар Штреднєй школи „Петро Кузмяк” з Руского Керестура, Маша Керекеш зоз Кули, освоєла 1. место на IX Републичним змаганю зоз аґенцийного и готелиєрского водзеня роботи.
Менторка наградзеней школярки була професорка Бояна Милянич. Як награди Керекешова достала стипендию за 4 роки безплатного школованя на факултету дружтвених наукох у Беоґрадзе, а єй менторка Миляничова стипендию за школованє на мастер студийох.
На змаганю у двох обласцох участвовали школяре зоз 21 школи у Сербиї, отримане є 17. и 18. марца у Погосцительно-туристичней школи з Беоґраду, а спонзор змаганя бул Факултет дружтвених наукох у Беоґрадзе.
Керестурска Школа будзе нарок домашня X Републичному змаганю з того предмету, а дзекуюци правилом же побиднїк на єдним змаганю постава домашнї шлїдуюцому.