ДЮРДЬОВ – Нащивительом на Новорочним вашаре на дюрдьовским пияцу вчера, 22. децембра були понукнути рижни змисти забавного характеру, як за дзеци, так и за одроснутих.
Медзи численима крачунско-новорочнима прикрасками, на предайних штандох могло купиц варене вино, чай, колачи и продукти з меду.


Поприберани до Дїдох Мразох и на моторкох, члени Мото-клубу „Ґеорґиє” зоз Дюрдьова нащивели вашар и обрадовали наймладших валалчанох зоз дарунками, а дзеци ше могли и сликовац з нїма.
Орґанизаторе подзековали шицким нащивительом же пришли потримац тоту инициятиву.
