На Зонску смотру ище седмеро рецитаторе

автор Д. Барна
707 Опатрене

КРУЩИЧ – Вчера вечар, 23. марца, зоз Општинскей смотри рецитаторох „Максим Єкнич” у Крущичу на Зонску смотру у Бачу, котра ше отрима 1-2. априла, пласовали ше седмеро рецитаторе.

Ема Живкович у штреднїм возросту освоєла перше место, а Исак Новта у истим возросту друге место. У старшим возросту перше место освоєла Минеа Югас.

Попри нїх, за пласман ше виборели и Леонтина Еделински и Милена Рамач у младшим возросту, Мая Надь у штреднїм возросту и Валентина Новта у старшим возросту.

Селектор смотри бул Миодраґ Петрович, ґлумец Сербского народного театру, консултант за руски язик Амалия Ковач, а госц вечара бул поета Милан Мрдаль Мрдя.

Рецитаторох порихтали Оленка Живкович и Мирослав Малацко, котри визначел же є презадовольни зоз успихом керестурских рецитаторох. Як и вше, гвари Малацко, домашнї були на уровню, крашнє прияли и погосцели рецитаторох.

Смотру реализовала Културно-просвитна заєднїца општини Кула, Културно-музичне дружтво Крущич, Основна школа „Велько Влахович” зоз Крущичу и Месна заєднїца Крущич, а под покровительством Општини Кула.

ПОВЯЗАНИ ТЕКСТИ