ОПШТИНА ЖАБЕЛЬ – З нагоди Медзинародного дня женох, Туристична орґанизация општини Жабель розписала явну поволанку за номинованє кандидаткиньох хтори зазначели окремни успих у рижних обласцох.
Награда „Лїсточка успиху за жену” будзе додзелєна жени хтора зазначела импресивни досцигнуца у кариєри, образованю, лєбо у дружтвеним анґажованю.
Номинациї отворени за шицки жени, а право предкладаня кандидаткох маю институциї, орґанизациї и поєдинци. Конкурс тирва по 28. фебруар, а предклади зоз обгрунтованьом мож послац на мейл адресу visitzabalj@gmail.com, лєбо принєсц особнє до канцелариї Туристичней орґанизациї.