Наютре Конференция на Оддзелєню за русинистику

автор и. сабадош
238 Опатрене

НОВИ САД – З нагоди 40-рочнїци студийох русинистики на Филозофским факултету Универзитета у Новим Садзе, Оддзелєнє за русинистику орґанизує Наукову конференцию хтора будзе отримана наютре, 30. септембра, на Филозофским факултету (Улїца Зорана Дїндїча 2, Нови Сад).

Конференция будзе отримана у штирох паралелних секцийох: Секция А (линґвистика), Секция Б (литература, култура), Секция В (линґвистика), Секция Г (история). Медзи учашнїками буду науковци з нашей академскей заєднїци и зоз иножемства.

З Наукову конференцию будзе означена 40-рочнїца снованя Оддзелєня за русинистику, односно 50-рочнїца Лектората за руски язик на Филозофским факултету Универзитета у Новим Садзе

Шветочне отверанє Конференциї будзе на 9 годзин, викладаня отворени за публику, а годно их провадзиц и прейґ Зум платформи.

Програму конференциї, лїстину учашнїкох и линки за провадзенє прейґ Зум платформи мож опатриц на тим линку.

 

ПОВЯЗАНИ ТЕКСТИ